Ivan Kraŭcoŭ raskazaŭ, dzie ciapier pracuje
Da taho, jak źmianić miesca, Kraŭcoŭ čatyry hady pracavaŭ u EPAM.
Ivan Kraŭcoŭ. Skrynšot: EuroradioLive / YouTube
Ivan Kraŭcoŭ u efiry «Jeŭraradyjo» raskazaŭ pra svaju ciapierašniuju pracu.
Jon ź niadaŭniaha času pracuje dyrektaram prajekta ŭ pryvatnaj fin-tech kampanii, jakaja, siarod inšaha, zajmajecca mižnarodnymi pieravodami.
«Ja pracavaŭ u kampanii EPAM Systems čatyry hady. I ź leta hetaha hoda ŭžo pracuju ŭ inšaj kampanii», — padzialiŭsia Kraŭcoŭ.
Jon zaŭvažyŭ, što nikoli nie byŭ ajcišnikam, ale z kampjutarami ź dziacinstva na «ty».
Top-mieniedžar EPAM Systems — Maksim Bahracoŭ, jaki ŭ 2020‑m pryniaŭ aktyŭny ŭdzieł u vybarčych pracesach, a paśla zastaŭsia adzinym ź lidaraŭ Kaardynacyjnaj rady, chto nie trapiŭ za kraty i nie emihravaŭ. Bahracoŭ źbiraŭsia stvarać partyju «Razam» z prychilnikaŭ Viktara Babaryki, ale ŭrešcie ŭłady vycisnuli ź Biełarusi i jaho.