У мінскім аэрапорце збіраюцца завесці беларускі ШІ
У Нацыянальным аэрапорце Мінск могуць укараніць тэхналогіі штучнага інтэлекту, распрацаваныя беларускімі спецыялістамі. Пра гэта выданню Office Life расказаў генеральны дырэктар аэрапорта Уладзімір Чаравухін.
Фота: Нацыянальны аэрапорт Мінск
Па словах Уладзіміра Чаравухіна, беларускія распрацоўшчыкі ўжо ствараюць для аэрапорта сэрвісы з выкарыстаннем штучнага інтэлекту. Пакуль падрабязнасці пра гэтыя праекты не раскрываюцца. Вядома толькі, што новыя сэрвісы павінны дапамагчы павысіць якасць абслугоўвання пасажыраў.
Кіраўніцтва аэрапорта раней заяўляла пра імкненне ўдасканальваць паслугі і зрабіць аэравакзал не проста транзітным пунктам, а сучасным тэхналагічным хабам, дзе ўсе элементы інфраструктуры працуюць на зручнасць і бяспеку пасажыраў.
Чытайце таксама:
Мінскі аэрапорт запусціў новы сэрвіс па дастаўцы багажу