Незалежніцкая «Партыя Квебека» перамагла на выбарах у правінцыі
Прыхільнікі партыі святкавалі перамогу, скандуючы лозунг «Квебек — гэта краіна!».
Фота: Neal Rockwell/Bloomberg via Getty Images
На выбарах, якія прайшлі ў панядзелак у франкамоўнай правінцыі Канады Квебеку, перамагла «Партыя Квебека». Яе лідар Поль Сен-П’ер Пламадон стане наступным прэм’ер-міністрам правінцыі, піша Бі-бі-сі.
Прыхільнікі партыі святкавалі перамогу, скандуючы лозунг «Квебек — гэта краіна!».
«Партыя Квебека» ўжо паабяцала правесці рэферэндум аб незалежнасці правінцыі, але толькі пасля таго, як скончыцца тэрмін паўнамоцтваў прэзідэнта ЗША Дональда Трампа.
Ён стане трэцім у гісторыі Квебека пасля рэферэндумаў 1980 і 1995 гадоў, калі большасць выказалася за захаванне адзінства краіны, але ў другі раз розніца склала толькі 50,58%, нагадвае AFP.
Зараз, паводле апытанняў, ідэю незалежнасці правінцыі падтрымлівае каля 30% яе жыхароў.
Аналагічны рэферэндум павінен прайсці праз два тыдні ў іншай правінцыі — Альберце.