Niezaležnickaja «Partyja Kviebieka» pieramahła na vybarach u pravincyi
Prychilniki partyi śviatkavali pieramohu, skandujučy łozunh «Kviebiek — heta kraina!».
Fota: Neal Rockwell/Bloomberg via Getty Images
Na vybarach, jakija prajšli ŭ paniadziełak u frankamoŭnaj pravincyi Kanady Kviebieku, pieramahła «Partyja Kviebieka». Jaje lidar Pol Sien-Pjer Płamadon stanie nastupnym premjer-ministram pravincyi, piša Bi-bi-si.
Prychilniki partyi śviatkavali pieramohu, skandujučy łozunh «Kviebiek — heta kraina!».
«Partyja Kviebieka» ŭžo paabiacała pravieści refierendum ab niezaležnaści pravincyi, ale tolki paśla taho, jak skončycca termin paŭnamoctvaŭ prezidenta ZŠA Donalda Trampa.
Jon stanie trecim u historyi Kviebieka paśla refierendumaŭ 1980 i 1995 hadoŭ, kali bolšaść vykazałasia za zachavańnie adzinstva krainy, ale ŭ druhi raz roźnica skłała tolki 50,58%, nahadvaje AFP.
Zaraz, pavodle apytańniaŭ, ideju niezaležnaści pravincyi padtrymlivaje kala 30% jaje žycharoŭ.
Anałahičny refierendum pavinien prajści praz dva tydni ŭ inšaj pravincyi — Albiercie.