5G прыходзіць у Гродна — апошні з абласных цэнтраў

Аператар МТС адкрывае для сваіх абанентаў доступ да сеткі 5G у Гродне. Раней сувязь пятага пакалення ўжо запрацавала ў Мінску і іншых абласных цэнтрах, Гродна заставаўся апошнім. Праўда, пакуль тут 5G будзе даступная толькі ў некалькіх месцах.

Калаж: mts.by

Падключыцца да сеткі можна каля Гродзенскага дзяржаўнага аграрнага ўніверсітэта і Гродзенскага дзяржаўнага электратэхнічнага каледжа, у раёне вуліцы Пралетарскай, а таксама побач з галоўным корпусам Гродзенскага дзяржаўнага медыцынскага ўніверсітэта.

У МТС паведамілі, што ў найбліжэйшыя месяцы зона пакрыцця ў Гродне будзе істотна пашырацца. Яна павінна ахапіць цэнтральную частку горада, жылыя мікрараёны, сацыяльныя аб'екты і папулярныя месцы адпачынку.

Сетку 5G у Беларусі разгортвае інфраструктурны аператар beCloud. Цяпер у шасці гарадах краіны працуе больш за 1100 базавых станцый, а агульная зона пакрыцця сеткі перавышае 400 квадратных кіламетраў.

Каментары да артыкула