У Чырвоным касцёле ў Мінску адновяць страчаныя роспісы
Як заўважыла выданне Katolik.life, мінскае будаўнічае ўпраўленне абвясціла пра выбар арганізацыі для выканання рэстаўрацыі мастацкага роспісу і замены шклопакетаў з вітражом у Чырвоным касцёле, рэканструкцыя якога зараз знаходзіцца на завяршальнай стадыі.
Арыенціровачны кошт работ — 850 тысяч рублёў. Да рэстаўрацыі маюць намер прыступіць ужо ў кастрычніку. Гэтыя работы павінны быць завершаныя да 15 сакавіка 2027 года.
У будаўнічым праекце пазначана, што пры рэканструкцыі ўнутранае аздабленне аднаўляецца пасля пракладкі інжынерных камунікацый, мастацкі роспіс на скляпеннях максімальна захоўваецца. Акрамя таго, у месцах страчанага роспісу (расколіны і падмаканні на скляпеннях) пасля ліквідацыі прычын дэфектаў дэкаратыўны роспіс аднаўляецца да зыходнага стану.
Гаворка ідзе пра рэстаўрацыю роспісу на столі богаслужбовай залы і расчыстцы каменных калон і капітэляў ад позніх фарбаў.
Чытайце таксама:
Чатыры гады таму закрылі Чырвоны касцёл