U Čyrvonym kaściole ŭ Minsku adnoviać stračanyja rośpisy
Jak zaŭvažyła vydańnie Katolik.life, minskaje budaŭničaje ŭpraŭleńnie abviaściła pra vybar arhanizacyi dla vykanańnia restaŭracyi mastackaha rośpisu i zamieny škłopakietaŭ ź vitražom u Čyrvonym kaściole, rekanstrukcyja jakoha zaraz znachodzicca na zaviaršalnaj stadyi.
Aryjencirovačny košt rabot — 850 tysiač rubloŭ. Da restaŭracyi majuć namier prystupić užo ŭ kastryčniku. Hetyja raboty pavinny być zavieršanyja da 15 sakavika 2027 hoda.
U budaŭničym prajekcie paznačana, što pry rekanstrukcyi ŭnutranaje azdableńnie adnaŭlajecca paśla prakładki inžyniernych kamunikacyj, mastacki rośpis na sklapieńniach maksimalna zachoŭvajecca. Akramia taho, u miescach stračanaha rośpisu (raskoliny i padmakańni na sklapieńniach) paśla likvidacyi pryčyn defiektaŭ dekaratyŭny rośpis adnaŭlajecca da zychodnaha stanu.
Havorka idzie pra restaŭracyju rośpisu na stoli bohasłužbovaj zały i rasčystcy kamiennych kałon i kapitelaŭ ad poźnich farbaŭ.
Čytajcie taksama:
Čatyry hady tamu zakryli Čyrvony kaścioł