66‑гадовую доктарку з Гродна злавілі на хабары
У Гродне 66‑гадовую доктарку-стаматолага асудзілі за атрыманне хабару ад пацыентаў. Суд Кастрычніцкага раёна прызначыў ёй два гады абмежавання волі без накіравання ва ўстанову адкрытага тыпу («хатняя хімія») і штраф у памеры 310 базавых велічынь — 13 950 рублёў.
Здымак ілюстрацыйны. Фота: «Наша Ніва»
Як паведамляе тэлеканал «Гродна», жанчына працавала ў адной з медыцынскіх устаноў горада. З сакавіка 2025 года да чэрвеня 2026‑га яна атрымлівала ад пацыентаў матэрыяльныя каштоўнасці за прыём па-за чаргой. Гаворка ішла пра стаматалагічныя абследаванні, лячэнне і кансультацыі.
Следства выявіла 10 эпізодаў атрымання хабару на агульную суму больш за 800 рублёў. Падчас папярэдняга расследавання абвінавачаная цалкам кампенсавала незаконна атрыманыя сродкі.
Чытайце таксама:
Амапаўцы дэманстратыўна жорстка затрымалі 60‑гадовага менеджара за хабар
Начальніку аховы здароўя Мінска бясплатна зрабілі рамонт. Вынік — 8 гадоў калоніі за хабары
Арыштаваны міністр прыродных рэсурсаў выбраў «стратэгію Брыло»