У Беларусі ўпершыню з'явілася ламаная разметка
У ПДР яе няма. Дзе яна з'явілася і дзеля чаго?
У Гродне перад нерэгуляваным пешаходным пераходам нанеслі ламаную разметку. Эксперымент Дзяржаўтаінспекцыя праводзіць на вуліцы Гагарына, піша Autogrodno.by.
У ДАІ Гродзенскай вобласці расказалі, што гэта эксперыментальная дарожная разметка з эфектам звужэння праезнай часткі. Яна прызначаная для зніжэння хуткасці руху транспартнага патоку.
Дарэчы, такой разметкі ў ПДР няма. Пасля таго як Дзяржаўтаінспекцыя падзеліцца вынікамі эксперыменту, ламаную разметку пачнуць выкарыстоўваць і ў іншых гарадах Беларусі.