U Biełarusi ŭpieršyniu źjaviłasia łamanaja raźmietka
U PDR jaje niama. Dzie jana źjaviłasia i dziela čaho?
U Hrodnie pierad nierehulavanym piešachodnym pierachodam nanieśli łamanuju raźmietku. Ekśpierymient Dziaržaŭtainśpiekcyja pravodzić na vulicy Haharyna, piša Autogrodno.by.
U DAI Hrodzienskaj vobłaści raskazali, što heta ekśpierymientalnaja darožnaja raźmietka z efiektam zvužeńnia prajeznaj častki. Jana pryznačanaja dla źnižeńnia chutkaści ruchu transpartnaha patoku.
Darečy, takoj raźmietki ŭ PDR niama. Paśla taho jak Dziaržaŭtainśpiekcyja padzielicca vynikami ekśpierymientu, łamanuju raźmietku pačnuć vykarystoŭvać i ŭ inšych haradach Biełarusi.