«Белавія» аднавіла палёты на в'етнамскі курорт Фукуок
Для Фукуока гэта ўжо другі сезон на беларускім рынку.
Фота: toursoyuz.by
Авіякампанія «Белавія» аднавіла прамыя чартарныя рэйсы з Мінска на в’етнамскі востраў Фукуок. Першы борт у новым сезоне адправіўся па маршруце ў аўторак, 13 кастрычніка, паведамляе Рэспубліканскі саюз турыстычных арганізацый.
Для Фукуока гэта ўжо другі сезон на беларускім рынку. Упершыню чартары на экзатычны курорт запусцілі ў кастрычніку 2025 года — тады самалёты лёталі з інтэрвалам у 10—11 дзён. З-за высокага попыту з боку турыстаў на гэты раз вырашылі павялічыць частату палётаў.
Рэйсы будуць выконвацца двойчы на тыдзень — па серадах (вылет у ноч з аўторка на сераду) і суботах на далёкамагістральным Airbus A330-200.
Час у дарозе складзе каля 9,5 гадзіны. Працягласць тураў будзе вар’іравацца ад 7 да 20 начэй.
Тураператары адзначаюць высокую цікавасць да гэтага напрамку: пуцёўкі на пікавыя даты ў перыяд школьных канікул і навагодніх святаў ужо практычна цалкам раскупленыя.