«Biełavija» adnaviła paloty na vjetnamski kurort Fukuok
Dla Fukuoka heta ŭžo druhi siezon na biełaruskim rynku.
Fota: toursoyuz.by
Avijakampanija «Biełavija» adnaviła pramyja čartarnyja rejsy ź Minska na vjetnamski vostraŭ Fukuok. Pieršy bort u novym siezonie adpraviŭsia pa maršrucie ŭ aŭtorak, 13 kastryčnika, paviedamlaje Respublikanski sajuz turystyčnych arhanizacyj.
Dla Fukuoka heta ŭžo druhi siezon na biełaruskim rynku. Upieršyniu čartary na ekzatyčny kurort zapuścili ŭ kastryčniku 2025 hoda — tady samaloty lotali ź intervałam u 10—11 dzion. Z-za vysokaha popytu z boku turystaŭ na hety raz vyrašyli pavialičyć častatu palotaŭ.
Rejsy buduć vykonvacca dvojčy na tydzień — pa sieradach (vylet u noč z aŭtorka na sieradu) i subotach na dalokamahistralnym Airbus A330-200.
Čas u darozie składzie kala 9,5 hadziny. Praciahłaść turaŭ budzie varjiravacca ad 7 da 20 načej.
Turapieratary adznačajuć vysokuju cikavaść da hetaha napramku: pucioŭki na pikavyja daty ŭ pieryjad školnych kanikuł i navahodnich śviataŭ užo praktyčna całkam raskuplenyja.