Супрацоўнікам Гродзенскага заапарка падкінулі вераб’інага сыча ФОТА
У Гродзенскім заапарку з’явіўся новы жыхар — малады вераб’іны сыч. Невядомыя пакінулі птушку ў скрынцы каля дзвярэй кабінета ветэрынара.
Вераб'іны сыч. Фота: Гродзенскі заапарк
Супрацоўнікі заапарка агледзелі знаходку і высветлілі, што бачных траўмаў у птушкі няма, аднак яна моцна схуднела і аслабла. Цяпер сыч знаходзіцца пад наглядам спецыялістаў.
Па словах ветэрынараў, на аднаўленне і набіранне сілаў сычу спатрэбіцца каля месяца. Таму зіму птушка правядзе ў камфортных умовах заапарка. Вясной, калі пацяплее і надвор’е стане стабільным, яе плануюць выпусціць у натуральнае асяроддзе.
Чытайце таксама:
У Мінску заўважаюць незвычайных птушак. Ці патрэбная ім дапамога людзей?
У Барысаве дзяцел заняўся дызайнам фасадаў і не дае жыхарам зранку спаць