Стала вядомая найбольш верагодная прычына змены маршрутаў цягнікоў з Беларусі ў расійскія Анапу і Адлер
Сёння Узброеныя сілы Украіны паведамілі, што 16 кастрычніка і ў ноч на 17 кастрычніка яны паразілі некалькі лагістычных аб'ектаў расійскай арміі, заўважыў «Флагшток».
Сярод аб'ектаў, па якіх ударылі ўкраінцы, — чыгуначны мост праз раку Унеча ў раёне населенага пункта Слабада-Сялецкая Бранскай вобласці.
«Флагшток» адзначыў на карце месца атакі.
Раней Беларуская чыгунка паведаміла пра змену маршрутаў цягнікоў Мінск — Анапа і Мінск — Адлер у сувязі з «рамонтнымі работамі». Пры гэтым змены будуць дзейнічаць больш за месяц, да 24 лістапада.
Чытайце таксама:
Цягнік Мінск — Адлер будзе хадзіць змененым маршрутам аж да канца лістапада
У расійскай Бранскай вобласці праз атаку УСУ парушыўся рух цягнікоў