Забаранілі ўвозіць у Беларусь шмат тавараў з Латвіі

Урад Беларусі ўвёў забарону на ўвоз у краіну асобных тавараў латвійскай вытворчасці. Пра гэта 19 кастрычніка паведамілі ў прэс-службе Савета міністраў.

Здымак ілюстрацыйны. Фота: latvijassprotes.lv

Абмежаванні, як паведамляецца, ахопліваюць 

«шырокі пералік тавараў латвійскага паходжання, уключаючы рыбныя кансервы, розныя віды прамысловых вырабаў».

У беларускім урадзе патлумачылі рашэнне тым, што Латвія працягвае прытрымлівацца, на думку Мінска, неканструктыўнага падыходу і выкарыстоўваць недружалюбную рыторыку ў адносінах да Беларусі.

Раней, у верасні, Латвія пашырыла абмежаванні на ўвоз тавараў з Беларусі і Расіі. Пад забарону трапілі кнігі, газеты і іншая друкаваная прадукцыя, адзенне, гатовыя тэкстыльныя вырабы, абутак, галаўныя ўборы, цацкі, гульні і спартыўнае абсталяванне. Гэтыя тавары расійскай і беларускай вытворчасці забаронена ўвозіць у Латвію, у тым ліку праз трэція краіны.

Каментары да артыкула