Грамадства1313

У Латвіі рэзка павялічыўся збожжавы транзіт з Беларусі. За дзевяць месяцаў у 913 разоў больш, чым за ўвесь мінулы год

У верасні істотна павялічыўся транзіт збожжа з Расіі і Беларусі праз Латвію. Пра гэта сведчаць звесткі, абагульненыя Службай дзяржаўных даходаў Латвіі (VID), піша Delfi.lv. 

Здымак ілюстрацыйны. Фота: magnific.com

З 1 да 24 верасня праз Латвію транзітам перавезлі 253 623 тоны збожжа з Расіі — амаль удвая больш, чым за ўвесь верасень мінулага года. З Беларусі за гэты ж перыяд прайшло транзітам 40 101 тона збожжа. Пры гэтым у верасні 2025 года беларускія збожжавыя праз Латвію транзітам увогуле не перавозіліся.

Усяго з пачатку года да 24 верасня праз Латвію транзітам перавезлі 593 663 тоны расейскага збожжа. Гэта на 8,9% менш, чым за ўвесь 2025 год. Беларускі транзіт за гэты перыяд склаў 116 847 тон — у 913 разоў больш, чым летась.

Значны рост назіраўся і ў жніўні. Тады праз Латвію транзітам перавезлі 158 983 тоны збожжа з Расіі — на 55,9% больш, чым у жніўні 2025 года. З Беларусі за месяц прайшло 26 726 тон, тады як годам раней беларускіх збожжавых транзітам праз Латвію не было.

VID адзначае, што заканадаўства Еўрасаюза забараняе ўвозіць у ЕС тавары, якія паходзяць з некантраляваных Украінай тэрыторый. Гаворка ідзе пра Крым, а таксама часткі Данецкай, Херсонскай, Луганскай і Запарожскай абласцей, якія Расія анэксавала. Гэтыя абмежаванні распаўсюджваюцца і на транзіт.

Каб пераканацца ў паходжанні збожжа, латвійскія мытнікі праводзяць выбарачныя праверкі. У прадпрымальнікаў могуць запатрабаваць дакладныя звесткі пра месца вырошчвання пшаніцы, яе сорт і пацвярджэнне, што яна не паходзіць з некантраляваных Украінай тэрыторый. Таксама правяраюцца маршрут пастаўкі да мяжы ЕС, накладныя, дамовы, транспартныя дакументы, рахункі за перавозку і іншыя матэрыялы.

Паводле VID, у выніку праверак мытная служба не атрымала доказаў, якія пацвярджалі б падазрэнні, што правераная пшаніца магла паходзіць з некантраляваных Украінай тэрыторый.

У VID таксама падкрэсліваюць, што за выкананне санкцый адказвае не толькі мытня. Усе кампаніі, якія ўдзельнічаюць у транзіце збожжа, павінны самастойна правяраць грузы перад заключэннем дамоў на іх перавозку, перагрузку, захоўванне і далейшае транспартаванне.

За першыя восем месяцаў 2026 года ў выніку кантрольных мерапрыемстваў латвійскай мытні ў 842 выпадках былі прадухіленыя парушэнні санкцый. У 467 выпадках кампаніям адмовілі ва ўжыванні заяўленай мытнай працэдуры да грузаў.

У VID паведамляюць, што найбольш часта парушэнні санкцый звязаныя з няправільным пазначэннем кода тавару паводле Камбінаванай наменклатуры ЕС, падаваннем ілжывых звестак пра краіну паходжання або прызначэння, падробкай дакументаў і невыкананнем умоў пераходнага перыяду, прадугледжаных санкцыйнымі правіламі.

Каментары13

  • Гэта Украінскае збожжа
    29.09.2026
    " У Латвіі рэзка павялічыўся збожжавы транзіт з Беларусі. За дзевяць месяцаў у 913 разоў больш, чым за ўвесь мінулы год"

    Гэта Украінскае збожжа, цікава, гэта навошта Delfi.lv. піша пра гэта ?
  • Сам рулю
    29.09.2026
    Калхознае зерно маё. Падаркі камбаньёрам раздал. Дзеньгі за экспарт зерна сібе. Не будзіце работаць в калхозе, палучыце вайну.
  • Явітаю
    29.09.2026
    Яны ж там прыбралі знакі дарожныя з назвай Беларусь. Мо й ня ведаюць цяпер, адкуль што вязуць.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць