Выходзіць кніга чэшскага філосафа Клімы па-беларуску
Выдавецкая ініцыятыва SayBeat анансавала выхад кнігі выбранага «Чалавечая трагікамэдыя» культавага чэшскага «выклятага філосафа», ніцшэанца, «эгадэіста» Ладзіслава Клімы (1878—1928) у перакладзе Макса Шчура.
Паводле ўспамінаў сучаснікаў, Франц Кафка сказаў пра Кліму:
«Гэта Майстар; калі б ён пісаў на адной з вялікіх моваў свету, то дасягнуў бы ўсясветнага прызнання».
У кнігу выбранага ўвайшлі Клімавы раннія творы, аповесць «Славутая Нэмэзіда», апавяданне «Што пасля смерці», п’еса «Чалавечая трагікамедыя», накід п’есы «Гусіты», «Аўтабіяграфія» і афарызмы.
Перадзамова адкрытая да канца кастрычніка. Кошт кнігі са зніжкай — 12 даляраў + кошт перасылкі, аб’ём — 400 старонак, з фатаздымкамі, мяккая вокладка. Замовіць кнігу можна тут.
Прэзентацыя кнігі «Чалавечая трагікамэдыя» Ладзіслава Клімы з удзелам перакладчыка Макса Шчура і чэшскай літаратуразнаўцы Яны Коліяшавай адбудзецца на заключнай пражскай частцы фестываля інтэлектуальнай кнігі Pradmova 1 лістапада.
Чытайце таксама:
Выйшаў заключны том выдання «Традыцыйны светалад беларусаў»
Сяргей Абламейка напісаў раман у апавяданнях
«З галавой занураешся ў эмоцыі». Ганна Янкута — пра новы беларускі раман пра сталенне