Выйшаў каляндар «Belarus Press Photo» на 2012 год +фоты
У ім фотаздымкі пераможцаў мінулага конкурса. У продажы з панядзелка.
Арганізатары фотаконкурсу «Belarus Press Photo» падрыхтавалі невялікі сюрпрыз — насценны каляндар на 2012 год з фотаздымкамі пераможцаў мінулага конкурса.
Адшукаць каляндар можна ў «Падземцы», «Ў», «Логвінаў», prastora.by, knihi.by.
Услед за календаром неўзабаве з’явіцца і альбом фотаздымкаў.
* * *
Конкурс «Belarus Press Photo» заснаваны ў 2010 годзе. Пазіцыянуе сябе як адкрыты незалежны конкурс прэс-фатаграфіі ў Беларусі. Мэтай конкурсу з'яўляецца падтрымка і развіццё прафесійнай прэс-фатаграфіі ў краіне. Ён закліканы стымуляваць развіццё фотажурналістыкі, падтрымаць абмен досведам і ведамі паміж пакаленнямі беларускіх фатографаў, сфармуляваць высокія прафесійныя стандарты ў фотажурналістыцы і спрыяць свабоднаму і неабмежаванаму абмену прафесійнай інфармацыяй.
Летась гран-пры «Belarus Press Photo» атрымаў фотакарэспандэнт «Нашай Нівы» Сяргей Гудзілін.
Глядзі таксама: «Прэс-фота Беларусі» абвясціла трэці конкурс