Uniasieńnie kryvi Jana Paŭła II u Čyrvony kaścioł — 2 krasavika
2 krasavika, u8-ju hadavinu śmierci błasłaŭlonaha Jana Paŭła II, u minskim kaściole sv. Symona i sv. Aleny adbudziecca ŭračystaje ŭniasieńnie jaho relikvij i śpiecyjalnaja śviataja Imša. Pačatak — u 17.00.
Pa prośbie ks. Uładzisłava Zavalniuka, probašča parafii, relikvaryj z kryvioju pieradaŭ Mitrapalit Krakaŭski kardynał Stanisłaŭ Dziviš, były asabisty sakratar papy Jana Paŭła II.
Zachavałasia tolki nievialikaja ampuła z kryvioj Jana Paŭła II. U apošnija dni chvaroby Śviatoha Ajca asabistym uračom Pantyfika ŭ jaho była ŭziata kroŭ i pieradadziena ŭ Centr pieralivańnia kryvi rymskaj kliniki «Bambino Gesu» dla mahčymaha dalejšaha pieralivańnia. Pieralivańnie nie było ździejśniena, i kroŭ była zachavana ŭ čatyroch nievialikich kantejnierach. Dva ź ich byli pieradadzieny kardynału Stanisłavu Dzivišu, asabistamu sakrataru Jana Paŭła II; jašče dva zastalisia ŭ špitali.