Pry płanach 9-10 młn ton zbožža sabrali tolki 7 młn
Ministerstva sielskaj haspadarki i charčavańnia apublikavała źviestki pra ŭradžaj hetaha hoda. Jany niesuciašalnyja. Pa stanie na kaniec žniŭnia sabrali ŭsiaho 6,9 młn ton zbožža. Siaredniaja ŭradžajnaść skłała 31,5 centniera z hiektara. Heta na 6,1 c, abo amal na 18% nižej, čym letaś. U vyniku pierakreśleny płan zboru 9-10 młn ton, pra jaki trubili cełuju viesnu j leta.
Pryčyna tut zvyčajnaja: sielskaja haspadarka zaležyć ad pryrodnych umovaŭ, a jany sioleta byli niespryjalnyja. Doŭhaja chałodnaja viasna źmianiłasia pavodkami, a paśla byŭ davoli niaŭdały červień. U hetym nie było b ničoha niezvyčajnaha, kali b nie toj fakt, što zbor zbožža ŭ Biełarusi — heta nie prosta ekanamičny pakazčyk, a palityčny momant. Luby pryrost tłumačycca pośpiecham biełaruskaj ekanamičnaj madeli, a luboje padzieńnie nie afišujecca abo źmiakčajecca prypiskami.
Pavodle źviestak Biełstata, u vyniku padzieńnie ŭradžajaŭ, ahulny abjom sielskahaspadarčaj pradukcyi źniziŭsia za pieršyja 8 miesiacaŭ na 2,8% proci minułaha hoda.