U Minsku raspačynajecca čarhovy siezon kursaŭ «Mova ci kava»
Tema pieršaha zaniatka — «ABŠČEPIT»:)
Na zaniatku budzie leksika i słoŭnik dla razmovy ŭ kaviarni. A taksama dyskusija: ci varta razmaŭlać na movie z aficyjantam? Čamu ŭ restaranach zvyčajna niama biełaruskaha mieniu? Ci abaviazany barmien adkazvać klijentu na biełaruskaj? I ci ŭvohule lohka ŭ Minsku adkryć svaju «maleńkuju kaviarniu»?
Hości «Mova ci kava» — haspadary minskich restaranaŭ, u tym liku bara «Tutejšyja», jaki niečakana apynuŭsia ŭ centry internet-skandału praź infarmacyju pra «źnižki biełaruskamoŭnym». U jakaści «śviežaj hałavy» pryjdzie Palina Respublika.
Viadoŭcy — Aleś Zaleŭski, Vasil Drańko-Majsiuk i Uładź Lankievič.
Pieršy zaniatak projdzie 13 studzienia a 19-j hadzinie ŭ novym miescy: CECH. Kursy źmianili miesca praviadzieńnia — ciapier jano zmoža źmiaścić usich achvočych, — ale zastajucca viernymi svajoj kancepcyi.