Rasijskija kamandas zaniali niekalki haradoŭ Danieckaj vobłaści, pierarezali stratehičnyja darohi VIDEA
dapaŭniajecca, abnaŭlajecca
Zachoplenyja harady stajać na asnoŭnych darohach, što viaduć z centra Ukrainy ŭ Danbas.
19:52
Lidar «Pravaha siektara» Dźmitryj Jaraš zaklikaŭ da poŭnaj mabilizacyi i rašučych dziejańniaŭ, a milicyju — nie zaminać
19:41
Zajaŭlena ab chutkim stvareńni «Uschodniaj Ukrainskaj Fiedieracyi» ŭ sajuzie ź Biełaruśsiu i Rasijaj
19:36
Caroŭ padtrymaŭ sieparatystaŭ: Vybary treba pieranieści na vosień
19:34
U horadzie Kramatorsk nad vykankamam zaraz vyviesili ściah «Danieckaj respubliki».
Siońnia, 12 krasavika, na płoščy horada prajšoŭ mitynh pa-prarasiejsku nastrojenych žycharoŭ. Padčas jaho pradstaŭniki inicyjatyŭnaj hrupy, adździaliŭšysia ad 1,5 tysiačnaha natoŭpu, prajšli praz kanvoj pravaachoŭnych orhanaŭ. Prabraŭšysia ŭ vykankam, jany paviesili nad budynkam ściah Danieckaj narodnaj respubliki.
19:24
U Daniecku prarasiejskija aktyvisty zachapili budynak abłasnoha HU MUS Ukrainy.
Načalnik rehijanalnaha hłaŭka milicyi Kanstancin Pažydajeŭ paśla pieramovaŭ z demanstrantami zajaviŭ, što padaŭ u adstaŭku. Paśla hetaha aktyvisty pačali razychodzicca. Pa dadzienych ahienctva, hrupa demanstrantaŭ budzie znachodzicca la budynka da prybyćcia eks-načalnika HU MUS Ramana Ramanava, jakoha jany ličać zakonnym kiraŭnikom abłasnoj milicyi.
***
Uranku ŭzbrojenyja ludzi ŭ zialonym kamuflažy zachapili rajadździeł milicyi ŭ horadzie Słaviansk Danieckaj vobłaści.
Videa zachopu rajadździeła milicyi ŭ Słaviansku možna pabačyć tut.
Paźniej takija ž ludzi zaniali budynki milicyi i SBU ŭ haradach Čyrvony Liman i Krasnaarmiejsk. Kala budynkaŭ dziažurać uzbrojenyja da zuboŭ ludzi, paviedamlajuć miascovyja ŚMI.
Zachoplenyja harady (paznačanyja čyrvonymi kropkami) znachodziacca na troch asnoŭnych darohach, što viaduć z centra Ukrainy ŭ Danieck i Łuhansk — abłasnyja centry Danbasa. Vybielenym abaznačana terytoryja, dzie značnuju dolu nasielnictva (ad 10 da 40%) składajuć etničnyja ruskija.
Kamandas u Danbasie ekipiravanyja hetaksama, jak u svoj čas «zialonyja čałaviečki» ŭ Krymie. Tam, jak paźniej vyjaviłasia, dziejničaŭ śpiecnaz HRU Rasii. Imavierna, jon zadziejničany i ŭ Danbasie.
Jaho dziejańni skaardynavanyja ź miascovaj «piataj kałonaj».
Zachopniki źniali ŭkrainskija ściahi i hierby z budynkaŭ. Kiraŭnica rajonnaj administracyi Słavianska padtrymała dziejańni zachopnikaŭ.
Na ŭjeździe ŭ Słaviansk źjaviŭsia błok-pasty z uzbrojenymi ludźmi, jakija kantralujuć ruch transpartu na ŭjezd i vyjezd z horada.
Ludzi na błok-pastach uzbrojenyja.
Padparadkavanyja Kijevu siłavyja struktury biaździejničajuć. U samim Daniecku «piataja kałona» siońnia zaniała budynak abłasnoha ŭpraŭleńnia milicyi. Ich padtrymlivajuć bajcy raniej rasfarmavanaha «Bierkuta», jakija nadzieli hieorhijeŭskija stužački.
Rasijskija infarmacyjnyja ahienctvy nazyvajuć danieckich zialonych čałaviečkaŭ «pradstaŭnikami afhanskich i kazačych arhanizacyj».
Ministr unutranych spraŭ Ukrainy Arsien Avakaŭ paabiacaŭ žorstki adkaz na dziejańni zachopnikaŭ, adnak pa stanie na siaredzinu suboty viernyja kijeŭskamu ŭradu siłavyja struktury nijak siabie nie prajavili.
Eskałacyja padziej u Danbasie adbyvajecca na fonie hłybokaha ekanamičnaha kryzisu ŭ krainie. Urad byłoha prezidenta Viktara Janukoviča rastraciŭ usie valutnyja reziervy krainy. Nie zastałosia ŭ schoviščach i patrebnych zapasaŭ hazu. Hryŭnia ŭpała z 8 da 13 adnosna dalara za apošnija dva miesiacy.
Ukraina tolki raspačała stvareńnie bajazdolnych častak Nacyjanalnaj hvardyi, ale im brakuje ŭsiaho.
Rasija ž vybrała «stratehiju salami». Jana adkrojvaje ad Ukrainy pa kavałku. Niestabilnaść tym časam paralizuje astatniuju častku Ukrainy.