Lidar «Pravaha siektara» Dźmitryj Jaraš z nahody apošnich padziej u Danieckaj vobłaści (zachopam prarasijskimi siłami i rasijskimi vajskoŭcami budynkaŭ milicyi) vystupiŭ ź videazvarotam da ŭkraincaŭ.
«U hetyja chviliny na ŭschodzie Ukrainy, u tym liku ŭ Daniecku i Słaviansku adbyvajecca paŭtareńnie krymskaha scenaru.
Iśpiravanyja Maskvoj hrupy złačyncaŭ zachoplivajuć budynki siłavych struktur, biaruć u zakładniki milicyjanieraŭ, prymušajuć kiraŭnikoŭ siłavych viedamstvaŭ pisać zajavy pra adstaŭku. Hety antydziaržaŭny zakałot adbyvajecca pra padtrymcy pradstaŭnikoŭ miascovaj ułady i pry poŭnaj biaździejnaści ŭłady centralnaj, u tym liku MUS. Kreml raźličvaje, što zmoža zaniać uschodnija vobłaści Ukrainy, nie sustreŭšy nijakaha supraciŭleńnia kijeŭskaj ułady, — kaža Jaraš.
— U suviazi ź situacyjaj, što skłałasia, nakazvaju ŭsim strukturam Pravaha siektara pravieści poŭnuju mabilizacyju i pryhatavacca da rašučych dziejańniaŭ dla abarony suvierenitetu i terytaryjalnaj cełasnaści Ukrainy.
Zaklikaju ŭsich ukrainskich siłavikoŭ nie tolki nie pieraškadžać dziejańniam Pravaha siektara, ale i dapamahać jamu ŭ naviadzieńni na ŭkrainskich ziemlach zakonnaha paradku. Isnuje vialikaja niebiaśpieka, što čynnaja ŭłada pradoŭžyć kałabaranckuju palityku. U źviazku z hetym zaklikaju ŭsich ukrainskich hramadzian być hatovymi da cisku na ŭkrainskuju ŭładu ŭ formie pikietaŭ i mitynhaŭ. Na čas vajny ŭładu nie krytykujuć, heta pravilna, ale varta pamiatać, padčas vajny zdradnikaŭ rasstrelvajuć.
Usio ŭkrainskaje hramadstva zaraz pavinna prajavić maksimalnuju adnastajnaść.
Isteryja, pacyfizm pra niedapuščalnaść pravakacyj i nieabchodnaść mirnaha vyrašeńnia situacyi, tolki hraje na ruku našym voraham. Da nacyjanalnaj jednaści, da hatoŭnaści da rašučaha adporu akupantam. Nie — pacyfizmu i kapitulanctvu. Hramadzianie, hurtujciesia ŭ atrady samaabarony. Źviazvajciesia z pradstaŭnictvami PS u abłaściach. Razam my prydušam antydziaržaŭny zakałot i adnovim terytaryjalnuju cełasnaść našaj Baćkaŭščyny. Słavie Ukrainie».
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu16
Kamientary