Caroŭ padtrymaŭ sieparatystaŭ u Łuhansku: Vybary treba pieranieści na kaniec vosieni
Ciońnia ŭ Łuhansku kandydat u prezidenty Ukrainy Aleh Caroŭ pravioŭ pres-kanfierencyju dla žurnalistaŭ i naviedaŭ mitynh pierad zachoplenym i błakavanym prarasijskimi aktyvistami budynkam USBU.
Vystupajučy pierad žurnalistami, Caroŭ zajaviŭ, što pasadu kiraŭnika dziaržavy dla jaho nie źjaŭlajecca samametaj.
«Prezidenctva — heta ŭsiaho tolki placoŭka dla dasiahnieńnia svaich metaŭ i prasoŭvańnia svaich idej. Zaraz hałoŭnaje — kab nie pralić kroŭ», — skazaŭ Caroŭ.
Pryjarytetnymi zadačami kandydat u prezidenty nazvaŭ fiederalizacyju krainy i nadańnie rasijskaj movie statusu druhoj dziaržaŭnaj.
Pavodle jaho słoŭ, taksama nieabchodna damahčysia pieranosu vybaraŭ z 25 maja na kaniec vosieni.