U Minsku adčyniać «škatułku pani Šymanoŭskaj»
Muzyčna-histaryčnuju fantaziju «Škatułka pani Šymanoŭskaj» pakažuć13 maja ŭ kancertnaj zale «Vierchni Horad» (pł. Svabody 23a) a 19-j.
Kožny čałaviek ŭ hłybini dušy — ramantyk. Kožnuju dziaŭčynu, kabietu pryciahvaje epocha balaŭ, pryhožych strojaŭ, muzyčnych sałonaŭ! Kožny chłopiec, hledziačy na ŭłanaŭ u mundzirach viercham na kani, ujaŭlaje siabie ŭdzielnikam słaŭnych batalij!
Ludziej vabić pryhažość i uračystaść. Ale nie mienš za pryhažość vabić i sama historyja, mahčymaść zazirnuć u minułaje, dakranucca da taho, što adździelena stahodździami, zrazumieć, pra što dumali ludzi, jakija žyli raniej i adčuć duch taho času!
Rekanstrukcyjaj muzyki pačataku XIX stahodzia zajmajecca kalektyŭ pad nazvaj Doux Souvenir. Muzyčna-histaryčny prajekt Doux Souvenir - heta unikalny kulturny prajekt, jaki praz vykanańnie muzyki raspaviadaje pra epochu Napaleona, styli «Ampir», historyju tych časoŭ.
Pry spałučeńni instrumientalnaha vykanańnia na vijałančeli i fartepijana muzyki Michała Kleafasa Ahinskaha, Vosipa Kazłoŭskaha, Maryi Šymanoŭskaj; vakalnych ramansaŭ; vieršaŭ vybitnych paetaŭ taho času — Hiote, Mickieviča i vidoviščnymi pałaneza i mazurki, atrymałasia muzyčna-histaryčnaja fantazija «Škatułka pani Šymanoŭskaj».
Dałučycca da padarožža ŭ śviet balaŭ, ułanaŭ i śvieckich sałonaŭ Vas zaprašajuć muzyčna-histaryčny prajekt Doux Souvenir i kancertnaja zała «Vierchni horad»!