Prezientacyja hadavika «Vilejski paviet» – 28 červienia
28 červienia (subota) u kniharni «Halijafy» (vuł. Vałhahradskaja, 6) adbudziecca prezientacyja historyka-krajaznaŭčaha hadavika. U imprezie voźmuć udzieł uradžency Vilejščyny: historyk Symon Barys, bard Aleś Narkievič, krajaznaŭca Siarhiej Makarevič. Paet i pierakładčyk Uładzimir Papkovič praviadzie aŭtohraf-siesiju: jon adzin z aŭtaraŭ «Vilejskaha pavieta», a taksama niadaŭna ŭ jaho pierakładzie vyjšła kniha Vilhielma Haŭfa «Karlik Nos».
Pačatak a 13.00.
«Vilejski paviet» znajomić z historyjaj peŭnaha rehijona — Vilejščynaj. Heta placoŭka dla daśledčykaŭ — padzialicca svaimi adkryćciami, a dla čytačoŭ — atrymać zajmalnaje i paznavalnaje čytańnie pra kraj.
Na staronkach pieršaha vypusku publikujucca materyjały pra paŭstańnie Kalinoŭskaha ŭ Vilejskim paviecie; złačynstvy lasnych bandytaŭ padčas Druhoj suśvietnaj vajny; pahanskija pamiatki ŭ rajonie; šmat čaho inšaha.