Kniha-cud i padarožža ŭ kazku: u čaćvier — prezientacyja knihi Sieržuka Vituški «Teatr»
4 śniežnia ŭ čaćvier a 16-j hadzinie ŭ vydaviectvie «Technałohija» (Minsk, vuł. Laŭkova, 19) adbudziecca prezientacyja novaj knihi Sieržuka Vituški «Teatr».
Kniha — sapraŭdny padarunak biełaruskim dzietkam i baćkam. Kniha-cud i padarožža ŭ kazku. Jana dapamoža zarhanizavać palčykavy teatryk dla maleńkich, teatr cieniaŭ i sapraŭdnyja pastanoŭki-ŭvasableńni kazak dla školnikaŭ. Ličyłki, zahadki, zabaŭki, hulni, vieršyki dla masažyka, pantamimy…
Vielmi važna adznačyć jakasnuju palihrafiju, zručny farmat i nadziejny pieraplot — z takoj knihaj vyhadujucca niekalki dzietak, i jana piarojdzie ŭ spadčynu budučym unukam. Takija knihi varta taksama nabyvać u sadki i škoły, daryć vychavacielam i nastaŭnikam, nianiam i babulam.
Kniha vydatna ilustrvanaja malunkami Aleha Abłažeja i fotazdymkami Jura Sidun (na joj siabry baćkoŭskaj supołki dzietki.org ubačyć svaich dzietak u Teatry junaha hledača ŭ čas Jalinki-2012).
Układalnik knihi - siastra Sieržuka, jaki maładym pajšoŭ u lepšy śviet, Łarysa Sahanovič.
Vinšuju jaje z vydańniem, a taksama Liudvika Kardzis,Paulina Vit i ŭsich nas!
Uśmieška i dabrynia na kožnaj staroncy. Dziakuj, Siaržuk, za jašče adzin padarunak nam.
***
Siaržuk Vituška (1965—2012) — historyk, piedahoh, aŭtar kazak dla darosłych i dziaciej., z 1987 h. — kiraŭnik niezaležnaha minskaha tavarystva «Tałaka», ad 1991 h. žyŭ u Vilni, pracavaŭ nastaŭnikam historyi ŭ vilenskaj biełaruskaj škole imia F.Skaryny. Arhanizatar i pieršy dyrektar adnoŭlenaha Vilenskaha Biełaruskaha muzieja imia I.Łuckieviča. Straciŭšy zrok, ładziŭ «ślapyja ekskursii» dla biełarusaŭ pa Vilni, pisaŭ kazki.