Jak zrabić biełaruskuju Vikipiedyju cikaviejšaj? APYTAŃNIE
Moładzievaje abjadnańnie «Fałanster» na Urbanistyčnym Fiestyvali raspačała kampaniju pa Vikifikacyi haradskoha asiarodździa ŭ biełaruskaj Vikipiedyi. Arhanizacyi patrebnaja dapamoha: raspaviadzicie, jak zrabić biełaruskuju Vikipiedyju cikaviejšaj i bolš užyvalnaj.
Apytańnie dazvolić vyznačyć koła nakirunkaŭ, u jakich mahčyma jakasna raźvivać Viki-aktyŭnaść na praciahu nastupnaha hoda.
Daśledčyki z «Fałanstera» prapanoŭvajuć kožnamu, chto choć raz źviartaŭsia da luboj Vikipiedyi, uziać udzieł i adkazać na niekalki pytańniaŭ.
Vikifikatary źbirajucca napisać artykuły pra haradskoje asiarodździe. Pieršym staŭ artykuł pra Asmałoŭku, pieršy typavy spalny rajon Minska. «Heta tolki pačatak, bo artykułaŭ pra vybitnyja biełaruskija źjavy, miescy, padziei, ludiej nie šmat, ci jany nievialikija», — tłumačyć «Fałanster».