Pad Papasnaj ukraincy ŭziali ŭ pałon bajevika-biełarusa FOTA
Ź jahonych słovaŭ, jon «pryjechaŭ abaraniać svaju babulu z Łuhanska».
Ukrainskija vojski vytrymali nacisk rasijskich siłaŭ u rajonie klina Papasnaja—Debalcava—Arciomaŭsk. Ich sistema fartyfikacyj akazałasia efiektyŭnaj, a praca artyleryi, tankaŭ i šturmavych hrup była zładžanaj.
U pryvatnaści, u niadzielu 1 lutaha ŭkrainskaja armija adbiła napad sił terarystaŭ u vakolicach horada Papasnaja, u fłanhu debalcaŭskaj hrupoŭki. Papasnaja — horad u Łuhanskaj vobłaści, miž čyhunačnym vuzłom Debalcava i centram naftapierapracoŭki Lisičansk.
Bajeviki abyšli pazicyi ŭkrainskich vajskoŭcaŭ z dvuch fłanhaŭ i z tyłu, dzie jany zaminiravali darohi, majučy namier adrezać pazicyi ad mahčymaha padmacavańnia. Paśla čaho pačali zakidvać akopy hranatami. Adnak dadatkovyja siły ŭkrainskich vojskaŭ, zaŭvažyli minavańnie, abjechali i ŭstupili ŭ boj, jaki doŭžyŭsia da poŭdnia.
U vyniku boju, paviedamlajuć ukrainskija ŚMI, bajeviki adstupili. Jany zabrali z saboj častku zahinułych i paranienych, 12 zahinułych zastalisia lažać u poli. Adzin z bajevikoŭ byŭ uziaty žyvym. Im akazaŭsia žychar Biełarusi, jaki, ź jahonych słovaŭ, «pryjechaŭ abaraniać babulu z Łuhanska».