«Ŭ bar» pierakłaŭ mieniu na biełaruskuju łacinku
Ciapier u im jość Tyramisu, Harbata zialonaja i Partviejn. Novaje mieniu źjaviłasia ŭ bary ŭ piatnicu 3 krasavika.
«Naviedvalniki dziviacca, heta ŭsio ž jašče niezvyčajna dla bolšaści ludziej. Nie pryvykli, — raspaviadaje KYKY pra navinu dyrektar «Ŭ bara» Alina Vałkałoŭskaja. — Ščyra kažučy, u nas i biełaruskaje mieniu inšy raz u haściej vyklikaje pytańni, na žal».
Pierapisać mieniu biełaruskaj łacinkaj «Ŭ bara» dapamoh Pavieł Kaściukievič — piśmieńnik i art-dyrektar «kniharni Łohvinaŭ», jakaja znachodzicca pa susiedstvu. KYKY zaznačaje, što jany nie śpiecyjalisty pa łacincy, ale zdajecca, što adnu pamyłku Pavieł taki dapuściŭ: słova Čyskiejk varta było b napisać ź litaraj «z».