Siaredni zarobak nianiek u Minsku składaje 7,5—8,5 miljonaŭ rubloŭ
Pra heta ŭ intervju haziecie «Narodnaja vola» raskazała kiraŭnica kadravaha ahienctva «Tezory» Julija Hadunova.
Siaredniaja hadzinnaja staŭka niańki ŭ ahienctvie «Tezory» składaje ciapier 53 500 rubloŭ. Najlepšyja śpiecyjalistki biaruć 5 dalaraŭ za hadzinu. Hadunova pryvodzić prykład maładoj nianiečki z daskanałym viedańniem anhlijskaj movy, hatovaj pracavać u trochdzietnaj siamji.
Chatnija rabotnicy ŭ Minsku prosiać 60 000—75 000 rubloŭ (4—5 dalaraŭ) za hadzinu. Časta siemji najmajuć pamočnicu pa haspadarcy raz na tydzień na čatyry hadziny dla pryborki.
Pa słovach Hadunovaj, u zamožnych siemjach Minska źjaŭlajecca popyt na bolš śpiecyfičnuju prysłuhu. Naprykład, dzień pracy prafiesijanała pa dohladzie za harderobam kaštuje da 800 tysiač rubloŭ. Taki rabotnik myje, dahladaje adzieńnie i robić jaho chimčystku ŭ chatnich umovach. Hetaj pracaj zajmajucca prafiesijanały, što raniej pracavali ŭ teatrach ci sałonach chimčystki.
Praca kuchara kaštuje 5—7 dalaraŭ za hadzinu. Usio bolš siemjaŭ najmaje kuchara 2—3 razy na tydzień na niekalki hadzin, kab vyzvalić haspadaroŭ ad hatoŭki.
Zarobki prysłuhi ŭ Bieraści paraŭnalnyja ź minskimi, kaža Hadunova, ale śpiektr popytu tam vuziejšy.
Usie vyšej pryviedzienyja rascenki adnosiacca da prafiesijnaha siehmientu. Pa abjavach, nie praz ahienctva, možna znajści nianiečak i chatnich pamočnic tańniej.