U Mirskim zamku vystupiać «Dyskateka Avaryja» i Šufucinski
…a taksama Jołka, Chlastoŭ i Łanskaja.
Telekanał ANT anansavaŭ šoŭ «Muzyčnyja viečary ŭ Mirskim zamku», što projdzie z 12 pa 14 červienia.
«U malaŭničym miescy źbiarucca amatary vydatnaj muzyki i dobraha adpačynku», — abiacaje anons.
A 9-j hadzinie viečara 12 červienia projdzie pieršaja častka kancertu «Pieśnia hoda Biełarusi-2015». A 1-j nočy pačniecca solny kancert «lehiendy šansona» Michaiła Šufucinskaha. Nastupnym dniom a 7-j viečara pačniecca kancert Alaksieja Chlastova, za im a 9-j — Aleny Łanskoj, a z 1-j nočy budzie hrać rasijskaja «Diskotieka Avarija». U niadzielu, 14 červienia a 9-j projdzie druhaja častka «Pieśni hoda Biełarusi», a z 1-j nočy vystupić rasijskaja śpiavačka Jołka.
Fest pravodzicca ŭžo ŭ dziaviaty raz. Raniej na im vystupali i folk- dy rok-hurty — «Mašina vriemieni», «Bieź bileta», «Troica», «Stary Olsa», «TT-34» i mnohija inšyja.
Čytajcie taksama: Mirum Music Festival projdzie 8-ha žniŭnia