Adzinaja polskaja liceistka, jakaja zdavała vypuskny ekzamien pa lemkaŭskaj movie FOTA
Hanna Šmajda adzinaja na ŭsiu Polšču zdavała ekzamien pa lemkaŭskaj movie. Lemki — etnahrafičnaja hrupa ŭkraincaŭ, što žyvie ŭ Biaskidach. Pavodle apošniaha pierapisu, ich 10,5 tysiač. Jany havorać svojeasablivym dyjalektam.
Bolšaść lemkaŭ pierajechała va Ukrainu ŭ 1945—1946. Prodkaŭ Hanny, jak i ŭsiu reštu lemkaŭ, u 1947 hodzie vysielili z hor na ŭźbiarežža Bałtyki, kab źniščyć sacyjalnuju bazu ŭkrainskaha niezaležnickaha padpolla Ukrainskaj paŭstanckaj armii. Z časam lemki atrymali mahčymaść viarnucca, ale viarnulisia nie ŭsie.
Ekzamienacyjnaja kamisija apranuła na ispyt śviatočnyja nacyjanalnyja stroi. Sioleta piśmovy ekzamien pa nacyjanalnaj movie tut zdavała tolki adna vypusknica.