Kitajski Centrabank pravioŭ devalvacyju juania
Daviedačny kurs juania siońnia byŭ źnižany na rekordnyja 1,9%.
Heta najbolšaje dzionnaje padzieńnie kitajskaj valuty za dva dziesiacihodździ. Takim čynam, kiraŭnictva krainy sprabuje pierałamać niehatyŭnyja tendencyi ŭ kitajskaj ekanomicy, jakaja źniziła tempy i pahražaje saśliznuć u depresiju.
Paviedamleńnie pra devalvacyju stała hałoŭnaj navinoj suśvietnych finansavych rynkaŭ siońnia.
Rehulatar nazyvaje heta dziejańnie «adnarazovaj karekcyjaj» i tłumačyć novym sposabam kantrolu za kursam abmienu.
Na fonie rašeńnia ab devalvacyi juania dalar u adnosinach da kitajskaj valuty padniaŭsia da ŭzroŭniu trochhadovaha maksimumu.
U kitajskaj ekanomicy nazapasiłasia mnostva prablem. Ahulnaja zapazyčanaść dziaržavy, rehijanalnych uładaŭ, pradpryjemstvaŭ, bankaŭ i pryvatnych asobaŭ dasiahnuła 282% ad VUP, što bolš za anałahičny pakazčyk u ZŠA i Niamieččyny.
A hałoŭnaje, što rost zarobkaŭ pavysiŭ sabiekošt pradukcyi, i Kitaj straciŭ raniejšyja kankurentnyja pieravahi.
Ekanamisty prahnazujuć Kitaju vialikija ekanamičnyja prablemy ŭ najbližejšym časie, i małaja devalvacyja juania — tolki adna ź pieršych łastavak.