Cana na haz dla Biełarusi źniziłasia da $139
Siaredniaja cana na rasiejski haz dla Biełarusi ŭ I paŭhodździ skłała 139 dalaraŭ za tysiaču kubamietraŭ suprać 166 dalaraŭ za anałahičny pieryjad 2014 hoda. Heta vynikaje sa spravazdačy «Hazproma».
U dakumiencie taksama havorycca, što pastaŭki hazu ŭ Biełaruś u I paŭhodździ źnizilisia na 3,8% da 9,45 młn kub. m.
Dla paraŭnańnia: Ukraina ŭ druhim kvartale płaciła za rasijski haz u siarednim 246 dalaraŭ. A siaredniehadavuju canu hazu, što pastaŭlajecca na ekspart u Jeŭropu, u «Hazpromie» aceńvali ŭ 230—245 dalaraŭ.
Cana na haz, jaki pastaŭlajecca «Hazpromam» u Jeŭropu, raźličvajecca pa formule, pryviazanaj da cany na naftu, jakaja mocna ŭpała z 2014 hoda. Cana na haz dla Biełarusi raźličvajecca pa admysłovaj formule z taho momantu, jak naša kraina pahadziłasia na pryvatyzacyju «Hazpromam» «Biełtranshaza».