Na «Kamianicy» vystupiać «Stary Olsa», Vuraj i Znich i zamiežnyja hości
Ukraincy «Drimba Da Dziha», palaki Dzikie Jablka, estoncy Trad Attack.
Tradycyjny folk-fiestyval «Kamianica», što projdzie ŭ Muziei narodnaj architektury 5 vieraśnia, abvieściŭ muzyčnych chedłajnieraŭ.
Darosły kvitok kaštuje 100 tysiač, dziciačy — 50, daškolniki i naviedniki ŭ poŭnym (ad abutku da hałaŭnoha ŭboru) nacyjanalnym stroi — biaspłatna.
Fest budzie doŭžycca z 12 dnia da 10 nočy.
Asnovaj prahramy stanuć biełarusy «Stary Olsa», «Altanka», «Jahorava hara», Vuraj i Znich, pryjeduć i hości z-za miažy.
Upieršyniu na «Kamianicy» vystupić pradstaŭnik Estonii. Za paŭtara hoda isnavańnia fołk-hurt Trad Attack! užo staŭ siensacyjaj na radzimie, a taksama začaravaŭ hledačoŭ u dziasiatku inšych krain, u tym liku Niamieččynie, Małajzii, ZŠA, raspaviadajuć arhanizatary.
Polšču budzie pradstaŭlać kalektyŭ Dzikie Jablka, uładalnik hran-pry prestyžnaha fiestyvalu Mikolajki Folkowe, jaki spałučaje narodny materyjał z afrykanskimi rytmami.
Ukrainu – haračyja fołk-rokiery «Drimba Da Dziha».
Na feście budzie i druhaja scena, na jakoj vystupiać studenckija i amatarskija fołk-kalektyvy, i kirmaš nacyjanalnaj kultury z narodnymi ramiostvami, tancami, hulniami i vystavami. Muzykaŭ i ramieśnikaŭ prosiać rehistravacca da 25 žniŭnia.