Fest «Kamianica» zaprašaje muzykaŭ, ramieśnikaŭ, daśledčykaŭ — i hledačoŭ
5 vieraśnia, Stročycy.
Užo siomy fołk-fest «Kamianica» projdzie ŭ Muziei narodnaj architektury 5 vieraśnia. Chedłajnieraŭ muzyčnaj častki festu abvieściać praz tydzień.
Arhanizatary zaprašajuć na małuju scenu festa amatarskija i studenckija muzyčnyja kalektyvy, pradstaŭnikoŭ narodnych promysłaŭ i vizualnaha mastactva, kulturnickija inicyjatyvy pa vuvučeńni movy, tancaŭ, piesień i hulniaŭ.
Zajaŭki na ŭdzieł u feście možna adsyłać da 25 žniŭnia na adras [email protected] z apisańniem, prykładami raboty i kantaktami.
U minułym hodzie na feście było z paŭsotni punkaŭ narodnych ramiostvaŭ i zabaŭ, fest naviedali kala 9 tysiač čałaviek. Sioleta arhanizatary hatovyja pradstavić ramieśnikam jašče bolš miesca biez usialakaj apłaty.
Fota-2014: Stročycy, «Kamianica», nastroj
Hledačoŭ fest taksama maje nie rasčaravać: tradycyjna tam hrajuć vybitnyja pradstaŭniki fołk- i neafołk-muzyki. U minułym hodzie na «Kamianicy» vystupali ŭkraincy Aleh Skrypka, «Bandu i «DachaBracha», palaki Orkiestra Sw.Mikolaja, Karalina Cicha i Bartek Pałyha, čechi Ahmed Ma Hlad, rasiejcy «Ivan Kupała» dy mnostva biełarusaŭ: «Javaryna», «Troica», Kriwi, Šuma, Relikt…
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram18
Kamientary