Karatkievič i Dźmitryjeŭ laciać u Brusel i Vašynhton
dapoŭniena
U paniadziełak 19 kastryčnika Taćciana Karatkievič naviedaje Brusel. U pryvatnaści, jana voźmie ŭdzieł u dyskusii, arhanizavanaj Jeŭrapiejskim fondam u padtrymku demakratyi.
Paśla vizitu ŭ serca Jeŭrasajuza lidary kampanii «Havary praŭdu» skirujucca za akijan.
U pryvatnaści, na sajcie Vilsanaŭskaha centra źjaviłasia abviestka pra ich sustreču z amierykanskimi ekśpiertami.
Jana projdzie 22 kastryčnika ad 10.30. U spatkańni voźmie ŭdzieł taksama były pasoł ZŠA ŭ Biełarusi Kienet Jałovic.
Na sajcie centra Taćcianu Karatkievič reprezientujuć jak «adnaho tolki kandydata ad demakratyčnaj apazicyi, jaki ŭdzielničaŭ u prezidenckich vybarach 2015 hoda ŭ Biełarusi. Jana taksama pieršaja zarehistravanaja kandydatka-žančyna ŭ historyi krainy. Choć ABSIE acaniła vybary vielmi krytyčna, Karatkievič vykarystała svoj udzieł u kampanii, kab pryciahnuć uvahu hramadzian da sacyjalna-ekanamičnym prablem, jakija chvalujuć zvyčajnych vybarcaŭ pa-za zvykłym elektaratam apazicyi».
U časie kampanii Karatkievič abiacała, što ŭ vypadku abrańnia prezidentam jaje pieršaja pajezdka była b u Rasiju.