Śviatłana Aleksijevič vystupić u Pałacy Respubliki
Praŭda, u małoj (500 miescaŭ) zale.
Radyjo «Svaboda» i Sajuz biełaruskich piśmieńnikaŭ praviaduć uračystuju prezentacyju knihi «Aleksijevič na Svabodzie» ŭ małoj zale Pałaca Respubliki 14 krasavika a 16-j hadzinie. Udzieł u joj voźmie Śviatłana Aleksijevič, paviedamlaje radyjo «Svaboda».
Kniha «Śviatłana Aleksijevič na Svabodzie» vyjšła u sieryi «Biblijateka Svabody — XXI stahodździe». Pad adnoj vokładkaj sabranyja materyjały, jakija bolš čym paŭtara dziesiacihodździa hučali na chvalach Radyjo «Svaboda» — intervju sa Śviatłanaj Aleksijevič, dyskusii ź jaje ŭdziełam, repartažy pra sustrečy z čytačami i inšyja teksty pra pieršuju ŭ Biełarusi łaŭreatku Nobieleŭskaj premii.
Spampavać knihu možna pa spasyłkach tut.