Polskija libierały zaklikali da ŭsiapolskaha žanočaha strajku siońnia. Kiraŭnica «Biełsata»: Idyjatyzm!
Usio pačałosia z zakliku znakamitaj akciorki Krystyny Jandy ŭ fejsbuku. Jana nahadała pra strajk isłandskich žančyn u 1975 hodzie. Tady pracujučyja i biespracoŭnyja žančyny na vostravie vyrašyli «uziać vychadny», kab hramadstva pačało canić ich pracu. Chatnija haspadyni ŭ hety dzień pieradali apieku nad dziećmi ŭ ruki mužčyn. U akcyi ŭziała ŭdzieł bolšaść isłandak, što vyklikała paralič u krainie.
Janda zaklikała polek zrabić toje samaje, kab vykazać pratest suprać dalejšaha abmiežavańnia prava na aborty ŭ krainie. Prajekt zakona ab hetym padtrymlivaje nacyjanał-kansiervatyŭnaja bolšaść u parłamiencie krainy.
Žanočy pratest u Lublinie na ŭschodzie Polščy. Fota «Haziety vyborčaj».
Na siońnia aborty ŭ Polščy zabaronienyja, ale isnujuć vyklučeńni pry miedyčnych pakazańniach i ŭ vypadku hvałtu. Novy zakon maje ŭzmacnić adkaznaść za nielehalnyja aborty.
Praź niekalki hadzin stanie jasna, kolki polskich žančyn padtrymajuć zaklik ab zabastoŭcy.
Postar polskaj libieralnaj Sučasnaj partyi ŭ padtrymku strajku.
Chryścijanskija i kansiervatyŭnyja siły nie padtrymali strajku.
«Hety idyjocki pratest, jaki zvodzić žančynu i jaje pravy da mahčymaści pazbaŭleńnia płodu, i, jak kažuć inšyja, da zabićcia nienarodžanaha dziciaci, u Polščy nikoli nie zdabudzie padtrymki nie toje što 90%, a navat 9% žančyn», — napisała ŭ fejsbuku kiraŭnička telekanała «Biełsat» Ahnieška Ramašeŭskaja.