«Rusafobka, zasuń kvietki sabie ŭ d..pu»: Šarapava źmiaściła fota z anhłamoŭnaj knihaj Aleksijevič — adrazu nalacieli «patryjoty»
Eks-pieršaja rakietka śvietu Maryja Šarapava źmiaściła ŭ svaim instahramie takoje fota.
«Čarnobylskaja malitva» Śviatłany Aleksijevič, pieračytvaju hetuju kłasiku», — takim podpisam supravadziła fota tenisistka.
Ale ŭ kamientary pad fota adrazu nabiehli rasijskija ŭra-patryjoty, jakija stali dakarać Šarapavu praz toje, što jana čytaje «rusafobku». Ale mała što rusafobku, «čamu i kniha nie pa-rusku?».
«U hetaj Alexievich stolki ahidy i nianaviści da Rasii, a Maryi, akazvajecca, padabajecca takaja cudoŭnaja piśmieńnica», «Ciapier zasuń hetyja kvietki sabie ŭ du.u», «Paśla 2000 jana piša za hrošy z-za miažy, kab ačarnić usio, što było ŭ Sajuzie», — u takim duchu vytrymany mnohija z 200 kamientaroŭ pad fota.
Šarapava «trolam» nie adkazvaje.