«Naša ranica» na ANT zaŭtra stanie biełaruskamoŭnaj
Zaŭtra, 21 lutaha, uvieś śviet adznačaje Mižnarodny dzień rodnaj movy. Prahrama «Naša ranica» na telekanale ANT u hety dzień budzie całkam pa-biełarusku.
«Upieršyniu ŭ svajoj historyi», — napisała ŭ svaim fejsbuku žurnalistka ANT Maryja Sysoj.
Maryja napisała, što pad finał zdymak i paśla efiru na biełaruskuju pierajšła ŭsia zdymačnaja hrupa.
«Darečy, naša kamanda jašče hod tamu chacieła zrabić heta, ale śviata vypała na vychodny dzień, tamu adkłali», — dadała jana.
U interniet vykładzieny tyzier biełaruskamoŭnaj «Našaj ranicy».