ANT moža zrabić «Našu ranicu» biełaruskamoŭnaj niekalki razoŭ na miesiac
21 lutaha — u dzień Mižnarodny dzień rodnaj movy - prahrama «Naša ranica» na telekanale ANT upieršyniu vyjšła na biełaruskaj movie.
Supracoŭnica ANT Maryja Sysoj paźniej napisała ŭ svaim fejsbuku, što jość prapanovy rabić takija prahramy i ŭ dalejšym, umovaj štomiesiačnych vypuskaŭ biełaruskamoŭnaj prahramy stali 5.000 prahladaŭ efiru na Youtube.
«Zaraz samy čas padsumavać vyniki. Vielmi pryjemna, što ŭ nas šmat hledačoŭ, jakija zacikaŭlenyja ŭ najaŭnasci biełaruskamoŭnaha kantentu na ANT. Na 17.00 28 lutaha vas — tych, chto ŭbačyŭ pieršy ŭ historyi telekanała vypusk ranišniaj prahramy na biełaruskaj movie, - było 11031 čałaviek. Heta udvaja bolš za našyja prahnozy», - paviedamiła Maryja ŭčora.
U suviazi z hetym, pa jaje słovach, «idejaj vitać vas na movie tolki raz na miesiac my nie abmiažujemsia. Akurat zaraz šukajem mahčymaść rabić heta čaściej».
«Jak tolki schiema kančatkova akreslicca, a novaja biełaruskamoŭnaja hrafika namalujecca, adrazu ž dadzim abviestku. Abiacajem — doŭhaha čakańnia nie budzie», - napisała žurnalistka.