Pravilniej było b kazać «Sara», a nie «Zara»
Ale vymaŭleńnie «Zara» pryžyłosia, i naŭrad ci źmienicca.
Adkryćcio pieršaj kramy ŭ Biełarusi. Fota Siarhieja Hudzilina.
Sietku kramaŭ Zara zasnavaŭ ispanski mahnat Amansia Arteha. Kali vy trapicie ŭ Ispaniju, zrazumiejecie, što tam «Zaru» nazyvajuć nie inakš jak «Sara» pa toj prostaj pryčynie, što ŭ ich litara Z hučyć prykładna jak naša «S».
Naprykład, nazva horada Zaragoza tradycyjna pieradajecca jak Sarahosa.
«U ispanskaj movie hetaje Z vymaŭlajecca jak mižzubny huk, jakoha ŭ nas nie isnuje. Tamu nam lahčej pieradać jaho jak [Z], chacia faktyčna jon musiŭ by pieradavacca jak [S], — kaža pierakładčyk Anatol Prasałovič. — Adnak tut jašče važny kantekst. «Sara» ŭ našych krajach asacyjujecca ź jaŭrejskim imieniem. Miarkuju, heta taksama mahło paŭpłyvać na nazvu».
Nahadajem, što 10 žniŭnia ŭ Dana Mall, što kala Nacyjanalnaj biblijateki, zapracavali šeść kramaŭ kancerna Inditex Group: Zara, Zara Home, Pull&Bear, Bershka, Stradivarius i Oysh. «Naša Niva» trapiła na adkryćcio i zirnuła na asartymient i ceny.