«Zara» i ŭsie-ŭsie-ŭsie. U Biełarusi zapracavali šeść novych kram adzieńnia CENY
Šapaholikaŭ siońnia čakali niekalki siurpryzaŭ: razam z Zara ŭ Dana Mall kala Nacyjanalnaj biblijateki pačali pracu i inšyja kramy kancerna Inditex Group: Zara Home, Pull&Bear, Bershka, Stradivarius i Oysh.
Zara źjaŭlajecca viadučaj i samaj papularnaj handlovaj sietkaj hrupy kampanij Inditex, tamu pra jaje prychod u Biełaruś maryli pierš za ŭsio. Ažyjataž vakoł źjaŭleńnia ispanskaha brenda ŭ našaj krainie naziraŭsia niekalki hadoŭ zapar: adkryćcio firmiennaj kramy pastajanna pieranosili. Adnak dzień «X» nadyšoŭ.
Na aficyjnaje adkryćcio kramy ŭ abiedzienny čas pryjšli kala 200 čałaviek.
Razumiejučy, što ŭ niekatorych čytačoŭ mohuć uźniknuć pytańni nakštałt «I što nam z hetaj Zary?», «Čamu da zvyčajnych šmotak stolki ŭvahi?» prapanujem 5 faktaŭ pra adnu z samych bujnych mižnarodnych liniejek adzieńnia.
1. Zasnavalnik brenda Zara Amansijo Arteha, kab dapamahčy svajoj biednaj siamji hrašyma, kinuŭ škołu ŭ 12 hadoŭ. Pieršym jaho miescam pracy stała krama-atelje, kudy jon uładkavaŭsia asistentam pa prodažach. Nieŭzabavie razam z bratam Antonia, zvodnaj siastroj i pieršaj žonkaj jany zdoleli samastojna adkryć nievialikuju majsterniu, dzie stvarali modnyja ŭ tyja časy padšyvanyja chałaty. Krychu paźniej Amansijo zmoh dazvolić sabie vykupać i adpraŭlać na ekspart rečy inšych ispanskich vytvorcaŭ. Pieršuju ŭłasnuju kramu ŭ Ispanii jon adkryŭ u 1975 hodzie. Kali Zaraj byli zapoŭnienyja ŭsie mahčymyja kutki rodnaj krainy, Arteha ŭziaŭ kurs na modnyja stalicy śvietu.
2. U 2015 hodzie Amansijo Arteha na niekalki dzion uznačaliŭ rejtynh najbahaciejšych ludziej śvietu pa viersii Forbes, apiaredziŭšy Biła Hiejtsa. Ale jon nikoli nie davaŭ intervju žurnalistam.
3. Pieršapačatkova mahazin adzieńnia nazyvaŭsia Zorba, jak piersanaž u filmie «Hrek Zorba», ale pradprymalnikam nie ŭdałosia atrymać prava na vykarystoŭvańnie takoha imia.
4. Hałoŭnaja fiška brenda, na jakuju i klunuli pakupniki: madeli-dvajniki viadomych modnych damoŭ pa nizkich koštach. Dyzajniery chutka reahujuć na apošnija tendencyi, i adzieńnie ŭ kramach abnaŭlajecca amal štotydniova. Dziakujučy raznastajnaści, rečy Zara apranajuć jak kinazorki, tak i studenty, jak klerki, tak i chipstary.
5. Biełaruś stała 94-j krainaj, dzie ciapier budzie prysutničać brend. Praŭda, kali paraŭnoŭvać košty z tym, što pradstaŭlena ŭ krainach-susiedkach, možna zaŭvažyć, što jany adroźnivajucca ŭ siarednim na 15-30 %: tańniej zakuplacca ispanskim adzieńniem u Vilni i Varšavie, adnak u nas vyhadna šopicca ŭ paraŭnańni z Kijevam ci Maskvoj.
Kolki buduć kaštavać novyja rečy na asieńni siezon u Zara bieź źnižak? (pryvodzim siaredni košt)
Žanočaje palito: 235 BYN
Ciopły švedar: 75 BYN
Baciljony: 149 BYN
Žanočyja štany: 122 BYN
Mužčynskaja kurtka: 155 BYN
Džynsy: 104 BYN
Kašuli: 79 BYN
Dziciačaja sukienka: 61 BYN
Štany dla chłopčykaŭ: 74 BYN
Cumki i zaplečniki: 89 BYN
Jašče adna, siomaja krama kancerna Massimo Dutti, zapracuje 12 žniŭnia.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary