Biełarusy Šviecyi vyjšli na tamtejšy hiej-prajd z partretam Šunieviča
Niekalki biełarusaŭ uziali ŭdzieł u štohadovym hiej-prajdzie ŭ Stakholmie. Dvoje nieśli raściažku «Lepš być hiejem, čym dyktataram». A jašče adzin z udzielnikaŭ hiej-prajdu nios bieł-čyrvona-bieły ściah i partret ministra ŭnutranych spravaŭ Ihara Šunieviča ŭ kolerach viasiołki, paviedamlaje radyjo «Svaboda».
Raniej partret Ihara Šunieviča pranieśli padčas prajdu ŭ amierykanskim horadzie Łuiśvil.
Heta reakcyja na niekalki antyhiejskich zajaŭ biełaruskaha Ministerstva ŭnutranych spraŭ.
Hiej-prajdy — heta šeści ŭ abaronu roŭnaści ludziej niezaležna ad seksualnaj aryjentacyi. ŁHBT-aktyvisty pravodziać ich u roznych krainach śvietu. U niekatorych haradach jany majuć teatralizavany charaktar, u inšych — formu zvyčajnaj manifiestacyi z płakatami. Formu «prajdu», ad anhlijskaha słova «hordaść», abrali, kab dakazvać, što ŁHBT majuć prava demanstravać svaje adnosiny publična, jak i hieteraseksuały.