Džared Kušnier moža ŭznačalić aparat Biełaha doma
Prezident ZŠA Donald Tramp razhladaje kandydaturu svajho ziacia i staršaha daradcy Džareda Kušniera na pasadu kiraŭnika aparata Biełaha doma. Pra heta paviedamlaje Huffington Post sa spasyłkaj na nienazvanaha pradstaŭnika Respublikanskaj partyi, blizkaha da amierykanskaj administracyi.
Kušnier i Tramp sustrelisia ŭ sieradu, 12 śniežnia, kab abmierkavać mahčymaje pryznačeńnie.
Krynica adznačyła, što ziać amierykanskaha prezidenta ŭ jakaści arhumientu pakazaŭ na svoj dośvied u padrychtoŭcy reformy kryminalnaha zakanadaŭstva i na mahčymaść spracavacca z demakratami.
8 śniežnia prezident ZŠA paviedamiŭ, što dziejny kiraŭnik aparata Biełaha doma Džon Kieli pakinie svaju pasadu da kanca hoda.
Dzied i babula Džareda Kušniera pachodziać z Navahrudka, padčas vajny jany vyžyli ŭ jaŭrejskim hieta.
Na 4 lipienia 2019 hoda ŭ Navahrudku zapłanavana adkryćcio Ściany pamiaci, kudy zaprasili Džareda ź siamjoj. Siamja Kušnieraŭ finansavała hety prajekt, a baćka Džareda Čarłz Kušnier nieadnarazova naviedvaŭ Biełaruś i dapamahaŭ muzieju.