«Biełavija» nabyła čatyry samaloty Boeing 737 max 8
Aviatix Home
10 sakavika ŭ Efiopii raźbiŭsia Boeing 737 max 8, usie pasažyry i členy ekipaža zahinuli — 157 čałaviek. Za apošnija paŭhoda heta ŭžo druhaja katastrofa z udziełam takoha avijałajniera. Kitaj na čas raźbiralnictva prypyniŭ paloty Boeing 737 max 8, piša Tut.by.
«Biełavija» ciapier takija samaloty nie vykarystoŭvaje, ale ŭ najbližejšy čas avijapark «Biełavija» papoŭnicca čatyrma novymi Boeing 737 max 8. Prybyćcio pieršaha samalota čakajecca ŭ mai 2019 hoda.
«Biełavija» na dadzieny momant pravodzić navučańnie ŭ Sietle techničnaha i lotnaha piersanału pa ekspłuatacyi Boeing 737-MAX.
— Pakolki rasśledavańnie pryčyn avijakatastrofy avijakampanii Lion Air nie zavieršana, a pra pryčyny incydentu Ethiopian airline kazać zaŭčasna, avijakampanija «Biełavija» budzie pracavać u štatnym režymie, čakajučy vynikaŭ ekśpiertyzy i robiačy ŭsio, kab paloty prachodzili biaśpiečna, — paviedamili Tut.by ŭ avijakampanii.