Viełahonka na ledniku ŭ Francyi pieratvaryłasia ŭ žudasnaje miesiva
U sieciva trapiła videa, jak sotni viełasipiedystaŭ laciać ź ledzianoj hary ŭ francuzskich Alpach, padajuć i nalatajuć adzin na adnaho.
Rolik źjaviŭsia na staroncy ABC News u tvitary.
Na kadrach bačna, jak honščyki biez tarmazoŭ laciać pa ledaviku na viaršyni hary Le Da Alpy i pieratvarajucca prosta ŭ chaatyčnuju masu rovaraŭ i ludziej.
Pieršapačatkova ŭpała ŭsiaho niekalki honščykaŭ, ale pastupova ab ich pačali čaplacca inšyja i pačałosia «sapraŭdnaje piekła».
Ekstremalnyja viełahonki pad nazvaj Mountain of Hell («Hara piekła») pravodziacca ŭ Francyi ŭžo nie pieršy hod. U hety raz ich pravodzili 28-30 červienia i na ŭdzieł advažylisia kala 700 viełasipiedystaŭ. Viadoma, što ad startu da finišu zajezdu pierapad vyšyń składaje 2,5 tysiačy mietraŭ.