Jeŭrasajuz uklučyŭ Biełaruś u prahramu «Uschodniaje partniorstva»
Ale ŭdzieł Biełarusi ŭ prahramie apyniecca pad pytańniem, kali Minsk pryznaje nazieležnaść Abchazii i Paŭdniovaj Asiecii, papiaredziŭ ministr zamiežnych spraŭ Čechii, što staršynstvuje ŭ ES.
Jeŭrapiejski sajuz aficyjna ŭklučyŭ Biełaruś u prahramu «Uschodniaje partniorstva». Rašeńnie było pryniata 23 lutaha ŭ Bruseli kiraŭnikami ŭsich 27 krain — siabraŭ ES.
«Uschodniaje partniorstva»— heta šmatnacyjanalny forum, stvorany krainami‑ŭdzielnikami ES i šaściu dziaržavami Uschodniaj Jeŭropy i Zakaŭkaźzia — Biełaruśsiu, Ukrainaj i Małdovaj — Azierbajdžanam, Armienijaj, Hruzijaj.
UP skiravana na palahčeńnie pieramovaŭ pa stvareńni zonaŭ svabodnaha handlu dla pasłuh i sielhaspraduktaŭ, a taksama pa zaklučeńni pahadnieńniaŭ ab partniorstvie i palahčeńni vizavych režymaŭ.
Start prahramie «Uschodniaje partniorstva», jakaja nie praduhledžvaje mahčymaści siabroŭstva ŭ ES, ale maje na ŭvazie palityčnaje i ekanamičnaje zbližeńnie ź Jeŭrasajuzam, budzie dadzieny na samicie krain‑udzielnic prajekta 7 traŭnia ŭ Prazie.
U ramkach prahramy UP šaści byłym savieckim respublikam da 2013 hodu budzie vydzielena 350 młn jeŭra ŭ vyhladzie dadatkovaj finansavaj dapamohi.
Učora ministr zamiežnych spraŭ Čechii, jakaja staršynstvuje ŭ ES, Kareł Švarcenbierh zajaviŭ na pres‑kanfierencyi ŭ Brusieli, što ŭ vypadku pryznańnia Biełaruśsiu niezaležnaści Abchazii i Paŭdniovaj Asiecii, jejny ŭdzieł u prahramie «Ŭschodniaje partniorstva» apyniecca pad pytańniem.